Денсаулық сақтау саласында сыбайлас жемқорлық анықталды

Антикор медицина және фармация салаларындағы сыбайлас жемқорлық тәуекелдеріне сыртқы талдау жүргізді.

Бұл туралы Сыбайлас жемқорлыққа қарсы қызмет хабарлайды. 

Соңғы үш жылда денсаулық сақтау жүйесіне мемлекеттік шығыстар 1,5 есе өсіп, 5,8 трлн теңгені құрады (2021 жылы – 1,6 трлн теңге, 2022 жылы – 1,7 трлн теңге, 2023 жылы – 2,5 трлн теңге).

2027 жылға қарай жалпы ішкі өнімдегі медициналық шығындардың үлесін 5%-ға дейін (2023 жылы – 3,8%) ұлғайту жоспарлануда.

Сонымен қатар, сыбайлас жемқорлық көріністері мен көптеген қаржылық бұзушылықтар  саланы дамытуға бағытталған мемлекеттік шаралардың тиімділігін төмендетеді.

Сыртқы талдау нәтижелері бойынша дәрілік заттар мен медициналық мақсаттағы бұйымдарды сатып алуды жоспарлау,  медициналық техникаға қызмет көрсетуге дейінгі дәрілік заттар, медициналық техника айналымының барлық кезеңдерінде және отандық тауар өндірушілермен ұзақ мерзімді келісім-шарттар (офтейк-шарттар) жасау сыбайлас жемқорлық тәуекелдері анықталды.

Дәрілік заттарға қажеттілікті, сатып алынған тауарлар мен қызметтердің құнын асыра бағалау, әртүрлі ауруларға қарсы вакциналарды уақтылы сатып алмау, талап етілмеген құрал-жабдықтарды сатып алу, сондай-ақ негізсіз төлемдерді есептеу фактілері анықталды.

Талдау көрсеткендей, жоғарыда аталған фактілердің себептері сатып алуды жоспарлау тетіктерінің жеткіліксіз автоматтандырылуы, ақпараттық жүйелер мен мәліметтер базасының жетілдірілмегендігі, жеткізушілер арасындағы бәсекелестіктің болмауы, лауазымды тұлғалардың дискрециялық өкілеттіктері, ведомстволық бақылаудың жеткіліксіздігі және т.б.

Ағымдағы жылдың 17 сәуіріндегі талдау қорытындысы бойынша, агенттік денсаулық сақтау министрлігімен бірлесіп анықталған сыбайлас жемқорлық тәуекелдерін жою бойынша Жол картасын бекітті.

Іс-шаралардың орындалуы бақылауда.