Денсаулық сақтау министрлігінің жұмысына депутаттар наразы болды

МӘМС пен денсаулық сақтау министрлігінің жұмысына депутат Бақытжан Базарбек наразы болды, деп хабарлайды Orda.kz.

Мәжіліс отырысында депутат Бақытжан Базарбек МӘМС жұмысына қатысты елеулі заң бұзушылықтар барын мәлімдеді. Оның айтуынша, қор қаржылық есепті дұрыс жүргізбейді.

«Сол себепті жалған есеп, түрлі бұзушылықтар мен қаржы жымқыру фактілері болады. Бұл менің емес, Жоғарғы аудиторлық палатаның қорытындысы», — деді Базарбек.

Сондай-ақ ол Денсаулық сақтау министрлігінің сыбайлас жемқорлық пен қызмет бабын асыра пайдалану фактілеріне жол ашатын бұйрықтарын сынға алды. Әсіресе №321 бұйрықты атап өтті.

Министр Ақмарал Әлназарова болса жүйелі проблемалардың барын мойындады. Депутат бұл бұйрықтың күшін жою жоспарланбағанын, алайда 1 шілдеге дейін сол құжатқа бірқатар өзгеріс енгізілетінін атап өтті.

Сонымен қатар Базарбек жеке медициналық ұйымдарда да заңбұзушылықтар бар екенін айтты.

«Мендегі мәліметке сәйкес, бірде-бір ұйымнан лицензия алынбаған. Тек айыппұлмен шектелді. Бұл, жұмсартып айтқанда, жай ғана «аяп қойғандай» әсер қалдырды», — деді депутат.

Оның бұл сынына жауап ретінде министр Әлназарова нақты мәселелерді отырыстан кейін жеке талқылауды ұсынды.