«Дамумед» жеке деректерді заңсыз пайдаланып, 66 миллион теңге залал келтірді

09 наурыз 2026 09:07 Ләззат Сұңқар

Фото: Орталық коммуникациялар қызметі

Алматы облысы бойынша ҚМА департаменті тегін медициналық көмектің кепілдендірілген көлемі аясында стоматологиялық қызмет көрсету кезінде жасалған алаяқтық фактісі бойынша тергеуді аяқтады, деп хабарлайды Orda.kz.

Жеке стоматологиялық клиникалардың директоры «Әлеуметтік медициналық сақтандыру қоры» КЕАҚ-пен жалпы 450 млн теңгеден астам медициналық қызметті сатып алу жөнінде келісімшарт жасаған.

Келісімшарт талаптарына сәйкес клиникалар азаматтарға міндетті әлеуметтік медициналық сақтандыру жүйесі аясында шұғыл және жоспарлы стоматологиялық көмек көрсету міндеттемесін алған.

Алайда күдікке ілінген «Дамумед» медициналық ақпараттық жүйесіне ортодонтиялық көмек көрсетілді деген жалған мәліметтер енгізген. Шын мәнінде бұл медициналық қызметтер пациенттерге көрсетілмеген.

Заңсыз әрекетке барған олар дәрігерлердің есептік жазбаларын, сондай-ақ бұрын клиникаларға жүгінген кәмелетке толмаған пациенттердің жеке деректерін өз бетінше пайдаланған.

Нәтижесінде ортодонтиялық көмек көрсетілді деген 4 597 расталмаған жағдай анықталды. Келтірілген залал 66 млн теңге болды.

Сот санкциясымен 23 млн теңге көлеміндегі банк шоттарына және 29 млн теңге тұратын стоматологиялық жабдыққа тыйым (арест) салынды.

Тергеу барысында күдікті 11 млн теңге көлеміндегі залалды өтеген. Оған қатысты үйқамақ түріндегі бұлтартпау шарасы таңдалды.

Қазақстан Республикасы ҚПК-нің 201-бабына сәйкес өзге ақпарат жария етуге жатпайды.

Еске салсақ, 2026 жылдың басында леуметтік медициналық сақтандыру қорының (ӘМСҚ) жұмысында көптеген заңбұзушылық анықталды. Олардың қатарында жалған пациенттерді тіркеу, ер адамдардың әйелдерге арналған скринингтерден «өтуі», балаларға бір күнде мыңнан астам дәрі-дәрмек жазу, тіпті қайтыс болған адамдарға медициналық қызмет көрсету фактілері болған

Оқи отырыңыз:

Жаңалықтар

барлық жаңалықтар