Бизнес ҚҚС көтеруге үзілді-кесілді қарсы болды

07 ақпан 2025 14:00 Жәукен Әсем

Фото Райымбек Баталовтың Facebook желісінен.

Үкімет қосылған құн салығы мөлшерлемесін арттыру туралы шешімін жариялағаннан кейін «Атамекен» Ұлттық кәсіпкерлер палатасының кезектен тыс кеңейтілген отырысы өтті, деп хабарлайды Orda.kz.

Еліміздің әр өңірінен 800 бизнес өкілінің басын қосқан жиынның қорытындысымен «Атамекен» төрағасы Райымбек Баталов бөлісті. Кәсіпкерлерді ҚҚС өсімі алаңдатып, олар жаңа Салық кодексіне де тоқталды.

Баталовтың айтуынша, бизнес үкіметпен конструктивті, бірақ шиеленісті диалог жүргізуде. Салық кодексін оңайлату керек, бизнес те тең құқықты алуы керек – Ұлттық палатаның ұстанымы осындай.

«Бизнес ортада белсенді талқыланып жатқан тақырыпқа – ҚҚС мөлшерлемесіне ерекше назар аударғым келеді. Біз мөлшерлеменің көтерілуін есептеулермен негіздеу керек деп есептейміз және бір реттік 20 пайызға дейін көтеруге қарсымыз. ҚҚС шегін де егжей-тегжейлі қарастыру қажет. Біз 15 миллионға қарсымыз! Мұның бизнестің табыстылығы мен өсу қарқынына, әсіресе әкімшілік күрделіліктің жоғарылауы жағдайында болатын салдарын талдау маңызды ».

«Атамекен» де арнаулы салық режимін қолдану шегін төмендету ұсынысымен келіспейді.

«Біз үшін мұндай шешімдердің нақты сандарға негізделгені және аналитикалық деректермен расталғаны маңызды».

Ұлттық палата салық реформасы бойынша ұсыныстары бар бюллетень әзірлеп қойған.

Шағын бизнес өкілдері де соңғы кезде ҚҚС шегінің төмендеуіне үлкен алаңдаушылық білдірдірді.

Жаңалықтар

барлық жаңалықтар