«Біз Қазақстан туралы бәрін білеміз» – Грекия футбол құрамасының бас бапкері мәлімдеме жасады

Футболдан Грекия құрамасының бас бапкері Густаво Пойет ұлттық құрама жайлы журналистерге пікір білдірді, деп хабарлайды Orda.kz порталы.

«Бірінші ойын маңызды. Қазір мен тек Қазақстан туралы айтып отырмын. Біз жоғары дегейде ойнап, ойыншылардың дайындығын сақтап, алаңда бар күшімізді салуымыз керек. Біз дайынбыз, Қазақстан туралы бәрін білеміз. Егер олар бірдеңе өзгертсе, менің таң қалатыным сөзсіз. Біздің бабымыз жақсы болуы керек!», – деді бапкер.

Айта кетейік, наурыз айының 21-нен 22-сіне қараған түні Қазақстан Ұлттық Құрамасы Ұлттар лигасының плей-офф кезеңінде Грекияға қарсы ойын өткізеді. Жеңімпаз Еуропа чемпионатына жолдама үшін күресін әрі қарай жалғастырады.