«Бірнеше рет қылмыс жасаған»: Кісі өлтіруге оқталған қазақстандық Арменияда ұсталды

Бұрын бірнеше рет қылмыс жасаған ер адам кісі өлтіруге оқталғаны үшін Армениядан экстрадицияланды, деп хабарлайды Orda.kz. 

Бас прокуратура мен ІІМ-нің қызметкерлері бірнеше рет сотталған қазақстандықты кісі өлтіруге оқталғаны үшін Ереваннан экстрадициялады. 

Бас прокуратураның мәліметінше, 2024 жылдың қыркүйегінде Петропавл қаласында ер адам мас күйде жәбірленушіні бірнеше рет пышақтаған. Ол қылмыс жасағаннан кейін қашып кеткен, сондықтан оған халықаралық іздеу жарияланған.

Өткен жылдың қазан айында күдікті Армения аумағында ұсталды. Қазір ол уақытша тергеу изоляторына қамалды. Айыпталушыны он бес жылдан жиырма жылға дейiн бас бостандығынан айыру жазасы күтіп тұр.

Айта кетейік, кеше, 15 мамыр күні Жетісуда өзенге құлап, жоғалып кеткен ер адамның денесі табылды.