Бір топ адам Думан Мұхамедкәрімді туған күнімен құттықтап, түрмеге келді

Бүгін Думан Мұхамедкәрімді құттықтап бір топ адам түрмеге келді. Олар оның терезесіне келіп, туған күнімен құттықтады.

Бұл бейнежазбаны Абзал Достияр өзінің facebook парақшасында жариялады.

Еске сала кетейік, «экстремизмді қаржыландырды» және «тыйым салынған ұйымның ісіне араласты» деген күдікпен Думан Мұхамедкәрім былтыр маусымда қамауға алынған болатын.

Бұған себеп болып отырған «Қазақстанның демократиялық таңдауы» (ҚДТ) қозғалысының жетекшісі, оппозиционер Мұхтар Әбіләзовтан алған сұхбаты болды. Қазақстан ҚДТ қозғалысын «экстремистік ұйым» деп таныды. Оның жұмысына тыйым салынған.

Ал Қазақстандық құқық қорғаушылар Мұхаммедкәрімді «саяси тұтқындар» тізіміне қосып отыр.