Берденовке жасалған қастандық бойынша екі тарап та үкімге қарсы шықты

Шымкенттің әкімінің бұрынғы Руслан Берденовтің ісі бойынша сот үкіміне екі тарап та шағымданды, деп хабарлайды Orda.kz.

Шымкент қалалық соты шағымдарды 8 қазан күні қарайды.

Айта кетейік, 21 сәуір күні Шымкент қаласының әкімдігінің алдында Руслан Берденовке оқ атылып, ауыр жарақат алған болатын. Кейін оған оқ атқан Ернар Жиенбай екені анықталып, тамыз айында сот болған еді. Қылмыскер өз жазасын мойындап, ол 9 жылға бас бостандығынан айырылды.

Жиенбайдың  мұндай әрекетке Руслан Берденов оның әйелінің Instagram-ға салған суретіне лүпіл басқаны үшін барған. Сот кезінде оның қызғаныштан осындай әрекетке барғаны анықталды. Кейін Ернар Жиенбайдың әкесі Жиенбай Пірәлиев пікір білдірген болатын.

«Менің келінім өсіп, өнген жердің қызы. Соған лайк басқан, тағы да басқа әрекеттері бар. Оның бәрін отбасын сақтап қалу үшін балам ішіне жұтып кетті. Жала жапты деп ойламаңыздар. Ол болған нәрсе», — деді Жиенбай Пірәлиев.

Сондай-ақ Жиенбайдың әкесі Берденовтің қол астындағыларға дөрекілік танытқанын айтты. 

Айтып-айтпай не керек, бұл сот жұрт аузынан түспеді. Дегенмен «атың шықпаса, жер өрте» демекші, осы соттың судьясы Әбінұр Қарабаев бір-ақ күнде тілшіге тілін шығарғаны үшін жұлдыз болып кетті. Оның бейнежазбасы әлеуметтік желілерде тарап, жұрт қызу талқылады.

Еске сала кетейік, Талғар қаласында өтіп жатқан «хуторлық» Хасанның сотында құпия куәгерден жауап алып, екі тараптың да мүддесін қорғаушыларды сот залынан шығарып жіберді.