Белгілі актер әрі блогер Мейіржан Төребаев бостандыққа шықты

Белгілі актер әрі блогер Мейіржан Төребаев бостандыққа шықты. Бұл туралы актер өзінің инстаграм парақшасында жариялады, деп хабарлайды Orda.kz.      

2023 жылдың шілдесінде Мейіржан Төребаев пен Мейірхан Шерниязов қаржылық пирамида құрғаны үшін ең төменгі режимдегі колонияға бес жылға қамалған болатын. Сот оны Қазақстан Республикасы Қылмыстық кодексінің 262-бабының 2-бөлігі «Ұйымдасқан қылмыстық топ құру, басқару және оған қатысу» бойынша ақтаған болатын.

Үш жыл бұрын Mudarabah Capital қаржы пирамидасы ісін вайнерлер жарнамалап қана қоймай, табыс алғаны сотта дәлелденген еді.

Мейіржан бейнежазбаның астына ол Ресейлік актер Александр Петровтың сөздерін дәйексөз ретінде келтіріп, философиялық ой-толғау қалдырды:

«Сыртқы өмірде бостандықтан айырылған кезде, ішкі бостандыққа ие болдым. Демек, солай болуы керек еді. Өмір үйретуі тиіс сабақтардан қашып, бақытты өмір сүру мүмкін емес. Жан ұмтылатын тәжірибеден өзіңді арашалау мүмкін емес. Маған тыныштық, уақыттан тыс болу, рөлдерсіз қалу, өзіммен оңаша қалып, «Мен кіммін?» деген сұраққа жауап беру керек болды. Кейде жаңа өзіңді тану үшін бәрін қирату керек. Осы тәжірибе үшін Жаратқанға рахмет. Бұл жан саяхаты болды» деп жазды Төребаев өзінің парақшасына. 

Естеріңізге сала кетейік, 2023 жылдың 23 маусымында Алматы қаласының Алмалы аудандық соты Мейіржан Төребаевты «Mudarabah Capital» қаржы пирамидасын құрды және басқарды деген айыппен 5 жылға бас бостандығынан айырған еді. Сонымен қатар, оған 5 жыл бойы кәсіпкерлікпен айналысуға тыйым салынған болатын.

 2024 жылы желтоқсан айында Алматы қаласының Түрксіб аудандық сотында блогер Мейіржан Төребаевтың түрмеде қалған мерзімді жеңіл жазаға ауыстыру туралы өтініші қаралды. 

Сот Төребаевқа қатысты бұл шешімнен бас тартты, оның өтініші негізгі талаптарды орындамағандықтан қанағаттандырылмады. Ол келтірілген шығынды өтемеген. Заң бойынша, қалған мерзімді жеңіл жазаға ауыстыру тек залал толық өтелген және жазаны өтеу режимі бұзылмаған жағдайда мүмкін болады.

2023 жылдың маусымында Мейіржан Төребаев пен Мейірхан Шерниязов қаржы пирамидасын ұйымдастырып, басқарғаны үшін кінәлі деп танылып, 814 миллион теңгеден астам шығын келтіргені үшін бес жылға бас бостандығынан айырылды. Сот үкімі 2024 жылдың 1 ақпанында күшіне енді.

Оқи отырыңыз:

• Сотталған Төребаев пен Шерниязов аппеляциялық шағым түсірді
• «SuperStar KZ» жобасы 20 жылдан кейін қайта оралды 
• Майдандағы жұмбақ риторика: АҚШ пен Иран текетіресі қай бағытқа кетіп барады?