Баян Алагөзова әйелдерге де бірнеше күйеуге шығу құқығын заңдастыруды ұсынды

Баян Алагөзова әйелдерге де бірнеше күйеуге шығу  құқығын заңдастыруды ұсынды. Бұған дейін мәжіліс депутаты Абзал Құспан екінші және үшінші некесіз әйелдер туралы айтып, көп әйел алуды заңдастыру жайлы пікір айтқан еді, деп хабарлайды Orda.kz.

Баян депутаттың пікіріне мүлде келіспей, жауап ретінде Қазақстанда көп ер адаммен некеге отыруды заңдастыруды ұсынды.

«Неге болмайды екен? Еркектерге болады екен де, ал әйелдерге болмай ма? Бізде зайырлы мемлекет заңы бойынша теңдік бар. Билік өкілдері шариғат заңы бойынша өмір сүруді ұсынса, мұны қалай түсінуге болады?» — деп ашуланды продюсер.

Абзал Құспан бұған дейін «тоқалдарымен» тек шенеуніктер ғана емес, сонымен қатар көптеген бай адамдар бірге тұратынын айтқан. Сондай-ақ ол қазақтың «әмеңгерлік» дәстүрін еске салды. Алайда қазіргі уақытта, депутаттың айтуынша, бұл дәстүр «байлардың ойынына» айналып, «тоқалдардың» рөлін жас қыздар атқарып жүр.