Әзілкеш Нұрлан Сабуров Ресейде миграциялық заңды бұзды деген күдікпен ұсталды

Әзілкеш Нұрлан Сабуров Ресейдегі Шереметьево әуежайында ұсталды, хабарлайды Orda.kz.

Құқық қорғау органдары берген ақпаратқа қарасақ, әзілкеш Нұрлан Сабуров миграциялық заңнаманы бұзғаны үшін Шереметьево әуежайында ұсталған. Қазір ол Мәскеу маңындағы миграциялық бөлімде.

«Бізде ешқандай ақпарат жоқ. Қазір онымен байланыста емеспіз», – деді әзілкештің менеджері «Осторожно, новости» агенттігіне.

Артынша анықталған ақпаратқа қарасақ, Нұрлан Сабуровқа 5 мың рубль айыппұл салыпты. Ол екі апта ішінде Ресейден шығуға міндеттелді. Сабыровтың елге кіруіне тыйым салынбады, ол алдымен Қазақстанға ұшып барып, содан кейін заңды түрде қайта оралуы керек.