Қазақстандықтар ерікті зейнетақы жинақтарын мерзімінен бұрын ала алады

Қазақстандықтарға ерікті зейнетақы жинақтарын (ЕЗЖ) мерзімінен бұрын алуға рұқсат етілді.

Бұл туралы Orda.kz хабарлады.

1 мамырдан бастап зейнетақы жинақтарын алушылардың тізімі кеңейді.

БЖЗҚ мәліметтері бойынша, негізгі шарттардың бірі - қаражат зейнетақы қорында кемінде бес жыл болуы тиіс.

Енді ЕЗЖ есебінен қордан зейнетақы төлемдерін алу құқығы зейнетақы жинақтары бар келесі тұлғаларда беріледі:

1) елу жасқа толған;

2) мүгедектігі бар адамдарға;

3) Қазақстан Республикасынан тыс жерлерге тұрақты тұруға кететін немесе кеткен және кету ниетін немесе фактісін растайтын құжаттарды ұсынған шетелдіктер мен азаматтығы жоқ адамдардың ерікті зейнетақы жарналары есебінен зейнетақы төлемдерін алуға құқығы бар;

4) Бірыңғай жинақтаушы зейнетақы қорында және (немесе) ерікті жинақтаушы зейнетақы қорында тұрған, ерікті зейнетақы жарналарының сомалары және оларға есептелген инвестициялық табыс шегінде кемінде бес жыл зейнетақы жинақтары бар адамдар ерікті зейнетақы жарналары есебінен зейнетақымен қамсыздандырылады.

Айта кету керек, 2021 жылдың 1 мамырынан бастап БЖЗҚ-ға келіп түскен алғашқы ерікті зейнетақы жарнасы ерікті зейнетақы жарналарын есепке алу үшін жеке зейнетақы шотын ашуға негіз болады.