Қазақстан ауа сапасының нашар индексі бойынша 11-орынды иемденді

Дүниежүзілік ауа сапасының индексі қызметінің мамандары Қазақстанды ауа сапасының нашар индексі бойынша 11-ші орынға қойды. Бұл туралы «Қазгидромет» РМК хабарламасында айтылған.

«EPA әлем картасы (waqi.info) нақты уақыт режимінде Қазақстандағы ауаны ластайтын заттардың нақты концентрациясын көрсетеді, олар өлшеу датчиктері туралы деректердің жаңаруына байланысты өзгереді».

15 қаңтарда Нұр-Сұлтан қаласының тұрғындары ауаның қатты ластануына шағымданды. Экологтар оның себебін жеке сектор тұрғындары үйлерін жылыту үшін пайдаланатын көмірдің сапасында деп санайды.

2020 жылдың қыркүйегінде сарапшылар Нұр-Сұлтандағы ауаны тіпті Мәскеуге қарағанда лас деген.