Қазақстан аштық көрсеткіші бойынша 21-орында тұр

Аштықтың ең төменгі деңгейі бойынша елдер рейтингінде Қазақстан 107 елдің ішінен 21-орынға ие болды, деп хабарлады Orda.kz.

Global Hunger Index зерттеуіне сәйкес, 690 млн-ға жуық адам тойып тамақтанбайды. Сонымен қатар, 144 млн бала созылмалы тамақтанбау симптомы салдарынан өсудің тоқырауынан зардап шегуде; 47 млн бала мүлдем нормадан аз тамақтанғаны үшін зардап шегуде. Алайда, сарапшылар жаһандық аштық 2020 жылы орташа деңгейде болғанын атап өтті.

Energyprom.kz атап өткендей, Қазақстанда 5,4 баллмен аштық деңгейі төмен. Бұл деректер COVID-19 пандемиясының шығынын қамтымайды, салдарынан болашақта аштық пен тамақтанудың нашарлауына әкелуі мүмкін.

– Әлемдік рейтингті бірден 17 мемлекет ашты. ЕАЭО елдерінің ішінде Беларуссия ғана 5-тен төмен индексімен ТОП-17 елдердің қатарына енді, басқа одақтас елдер арасында Қазақстан Ресейден жеңіліп, Армения мен Қырғызстанға қарағанда жақсы нәтиже көрсетті. Рейтингтегі соңғы орынды Чад иеленді, - делінген хабарламада.

Сарапшылар 2021 жылдың қаңтар-ақпанында азық-түлік өндірісіне 18,3 млрд теңге инвестиция құйылғанын хабарлады. Бұл өткен жылмен салыстырғанда 3,1 есе көп.

– Аймақтық жағдайдағы күрделі салымдардың көп бөлігі Шығыс Қазақстан облысына бағытталды (8,4 млрд теңге, бұл алдыңғы жылмен салыстырғанда 60,9 есе көп). Үш көшбасшы құрамына Алматы және Солтүстік Қазақстан облыстары да кірді, - деп атап өтті басылымда.