Қазақстанға жыл басынан бері төрт мыңға жуық қандас оралды

2021 жылдың басынан бастап 3 966 этникалық қазақтар өз Отанына оралып, қандас мәртебесін алды.

Бұл туралы Orda.kz Еңбек және халықты әлеуметтік қорғау министрлігінің баспасөз қызметіне сілтеме жасап хабарлады.

2021 жылы Қазақстанға келген қандастардың:

• Өзбекстаннан 75,6 пайызы
• Қытайдан 11,9 пайызы
• Түркіменстаннан 5,8 пайыз
• Моңғолиядан 3 пайызы
• Басқа елдерден 3,6 пайыз.

Келген этникалық қазақтар негізінен:

• Алматы облысы (32,6 пайыз);
• Түркістан (16,5 пайыз);
• Маңғыстау (14,2 пайыз);
• Шымкент (12,0 пайыз);
• Нұр-Сұлтан (5,4 пайыз).

– Ағымдағы жылдың 1 сәуіріндегі жағдай бойынша еңбекке қабілетті жастағы этникалық иммигранттар саны 59,9 пайызды құрайды. Сондай-ақ адамдардың 24,1 пайызы еңбекке қабілеттіден жас және 16 пайызы зейнеткерлер, - деп толықтырды Еңбек министрлігі.

1991 жылдан бастап 1,74 млн-ға жуық этникалық қазақтар Қазақстанға оралды.