Әуе компаниялары Астана әуежайынан 10 рейсті тоқтатты

Астанада 31 желтоқсанда ауа райының қолайсыздығына байланысты ішкі және халықаралық 10 рейс тоқтатылды, деп хабарлайды Orda.kz. 

Әуежайдың баспасөз қызметі тоқтатылған рейстерді атады:

• LH 646 Астана – Франкфурт;

• KC 7319 Астана – Қызылорда;

• KC 956 Астана – Алматы;

• KC 992 Астана – Алматы;

• TK 355 Астана – Стамбул;

• IQ 407 Астана – Шымкент;

• KC 345 Астана – Өскемен;

• 5W 788 Астана – Абу-Даби;

• KC 762 Астана – Алматы.

Баспасөз қызметінің мәліметінше, 31 желтоқсанда Астана халықаралық әуежайында 112 рейс жоспарланған.

Әзірге әуежайда 2500-ге жуық жолаушы өз рейсін күтіп отыр.

Астана халықаралық әуежайында 30 желтоқсанда ауа райының қолайсыздығына байланысты 40 рейс кейінге шегерілді. Кеше сағат 09:00-ден 12:00-ге дейін әуежайда ұшу-қонуға шектеулер енгізілді.

Әуежайға шектеу сағат 12:00-ден кейін жойылғанымен, әуе компаниялары ауа райының қолайсыздығына байланысты рейстерді кейінге қалдыруға шешім қабылдады.