Атыраудағы ерлерге арналған түзеу колониясында өрт шықты

24 қаңтар күні шамамен сағат 17:00-де Атырауда ерлерге арналған түзеу мекемесінде өрт болды, деп хабарлайды  Orda.kz тілшісі.

Төтенше жағдайлар департаментінің мәліметінше, өрт кезінде ғимаратта адамдар болмаған — сотталғандар кешкі серуенге шығарылған.

Қазіргі уақытта өрт толық сөндірілді. Өрттің шығу себептері анықталып жатыр. Зардап шеккендер жоқ.

Айта кетейік, қайғылы аяқталған өрт туралы біз жуырда жазған болатынбыз. 18 қаңтар күні СҚО-дағы ауылдардың бірінде жеке тұрғын үйде өрт шығып, сол сәтте үйде бес жасар қыз бала болған. Тергеу деректеріне сәйкес, баланы үйге қамап, қонаққа кеткен қыздың анасы қамауға алынды.

Оқи отырыңыз:

• СҚО-да өртеніп шатыры құлаған үйден 5 жасар қыздың денесі табылды
• СҚО-да алты бірдей әкім қоқыс үйінділері үшін айыппұл төледі