Атырауда тыйым салынған әдебиеттер табылды

cover Фото: freepik.com

Атырауда қайырымдылық мекемелерінің бірінен тыйым салынған әдебиеттер табылды, деп хабарлайды Orda.kz. 

Бұл туралы Атырау қаласының прокуратурасы мәлімдеді. Қайырымдылық ұйымдарының бірі арқылы діни араздықты насихаттайтын әдебиеттің таратылуы тоқтады. 

Кітаптар кәмелетке толмағандар арасында таратылған екен. Кітап Қазақстан аумағында пайдалануға тыйым салынған.

«Атырау қаласының әкімшілік құқық бұзушылықтар жөніндегі мамандандырылған сотының шешімімен қайырымдылық мекемесі ҚР ӘҚБтК-тің 453-бабының 4-бөлігі бойынша кінәлі деп танылып, оған 516 880 теңге көлемінде әкімшілік айыппұл салынды» деп хабарлады прокуратура. 

Мекеме бұдан басқа, тиісті рұқсат құжаттарынсыз балаларды діни бағыттарда оқытып, пансионат ретінде қызметтерін атқарған.

Осыған байланысты, қала прокуратурасының талап арызы негізінде 4 мекеменің мемлекеттік тіркеуінің күші жойылды, сонымен қатар барлық пансионаттар таратылды.

Жаңалықтар

барлық жаңалықтар