Атырауда көлігін сырып кеткені үшін кісі өлтірген азаматқа сот үкімі шықты

Көлігін абайсызда сырып ақысын жанымен өтеген Амандық Сағынғалиевтың өліміне себепкер болған азаматқа қатысты сот шешімі шықты,  деп хабарлайды Orda.kz.

Еске салар болсақ, Марқұм Амандық Сағынғалиев Қызылқоға ауданы Қарабау ауылынан қаланың ірі сауда орнына келіп, «ГАЗель» көлігін тұраққа қойып жатқанда байқаусызда «Mercedes-Benz» көлігінің есігін сырып кетті. Көлік иесі Мұхтар Ахмедов оны соққыға жықты. Есінен танып қалған азамат ауруханаға жеткізіліп, бес күннен кейін алған жарақатынан көз жұмған. 

Сот-медициналық сараптама қорытындысында марқұмның жабық бас-ми жарақатынан, бас сүйегі сынығынан және миға қан құйылуы салдарынан қайтыс болғаны көрсетілді. 

Қылмыстық Кодекстің 106-бабының 3-бөлігі бойынша 12 жылға дейін бас бостандығынан айыру көзделген. Бірақ сот сотталушының кәмелетке толмаған 5 баласы барын ескерді.