Атырау облысында Жайық өзеніндегі су шекті деңгейге жетті

Атырау облысының бірнеше елді мекенінде Жайық өзеніндегі су шекті деңгейге жетті, деп хабарлайды Orda.kz.

Төтенше жағдайларды жою штабының мәліметі бойынша су деңгейі:

• Индербор ауылында – 922 см (қауіпті деңгей – 845 см),

• Махамбет ауылында – 878 см (қауіпті деңгей – 850 см),

• Атырауда – 505 см (қауіпті деңгей 550 см),

• Жаңаталап ауылында – 363 см (қауіпті деңгей – 500 см),

• Еркінқала ауылында – 323 см (қауіпті деңгей – 450 см).

Қазір облыс бойынша эвакуациялау пункттерінде 585 адам болса, оның 279-ы балалар. Естеріңізге сала кетейік, 7 сәуірден бастап облыста жергілікті ауқымдағы табиғи төтенше жағдай орын алған.