Атырау облысында түйе көшеде жүрген жасөспірімді таптап өтті

Атырау облысы Құлсары қаласында түйе аулада жүрген баланы таптап өтті. Жасөспірім дереу ауруханаға жеткізілді, деп хабарлайды Orda.kz.

Куәгерлердің айтуынша, жануар кенеттен үркіп, қасында өтіп бара жатқан жасөспірімге қарай тұра ұмтылған. Түйе баланы бірнеше рет табанымен таптаған.

Жәбірленуші Жылыой аудандық ауруханасына жеткізілді. Аудан әкімдігінің мәліметінше, түйе ұсталған. Алайда оның иесі әлі табылмады.

Полиция болған оқиға бойынша тексеру жүргізіп жатыр. 

Айта кетейік, кеше, 28 қазан күні Ақтөбеде мобильді қосымша арқылы ойын бизнесін ұйымдастырғандар сотталды.