Атырау облысында тұрғындар зираттарды қиратып кеткендерді жазалауды талап етті

Атырау облысы Еркінқала ауылының маңында жергілікті тұрғындар мұсылман қорымындағы қабірлердің қирағанын байқап, дабыл қақты, деп хабарлайды Orda.kz тілшісі.

Таңертең адамдар жақындарының бейітіне құран оқуға келген кезде жағдайды байқаған. Кейбір құлпытастардағы жарты айдың белгілері толық сынған, енді бірінің жартысы сынған.

«Бұл — ақылға қонбайтын жағдай. Қабірге қол сұғуға болмайды. Келсек, бірнеше белгі быт-шыт болып жатыр», — деді Еркінқала тұрғыны. 

Тұрғындар зират аумағын тексеруді, ал егер қасақана жасалғаны анықталса, кінәлілерді жауапқа тартуды талап етеді.

Полиция мен әкімдік әзірге ресми түсініктеме бермеді.

Редакция тиісті органдарға сауал жолдады.