Атырау мұнай өңдеу зауытының істі болған басшысы

«Атырау мұнай өңдеу зауыты» ЖШС бұрынғы бас директоры М.Досмұратовқа қатысты қылмыстық іс аяқталды. Қаржылық мониторинг агенттігі  аталмыш істі қызметтік өкілеттіктерін асыра пайдаланып, қызмет мүддесіне  қайшы  іс-әрекеттер фактісі бойынша жүргізген.

 2022-2023 жылдар аралығында  Мұрат Досмұратов жеткізуші әкелген жабдыққа тиесілі кепілдік мерзімі уақытында АМӨЗ қаражатынан ақша негізсіз бөлініп, жалпы  1,9 млрд теңгеге технологиялық жабдықты жөндеу бойынша тиісті шарт жасасты деп күдіктелуде. 

Көктемде М.А.Досмұратовқа қатысты үйқамақ түріндегі бұлтартпау шарасы таңдалды. 

ҚР ҚПК-нің 201-бабына сәйкес тергеу мүддесіндегі өзге де ақпарат жария етілмейді.