Асыранды балаларға зәр ішкізіп, нәжіспен тамақтандырды

Шымкентте асырап алған балаларға зәр ішкізіп, нәжіспен тамақтандырған.  
Іс осы жылдың ақпан айынан бастап тергеліп, материалдар сотқа берілді.

Бұл туралы Бала құқықтары жөніндегі уәкіл Динара Закиева хабарлады. 

«Мұнда көптеген қорқынышты мәліметтер бар,  балалар зәр ішіп, нәжіспен тамақтанған. Іс сотқа берілді. Сондай-ақ, олар балаға тиесілі ақшаны ешкі сатып алуға жұмсап, балаға баққызып қойғандары туралы дерек бөлек тергелуде»,- деді Динара Закиева.

Іс осы жылдың ақпан айынан бастап тергеліп, қазір материалдар сотқа берілді. Балалардың үлкенінің денесіндегі көгерген жерлерді көрген мектеп мұғалімдері мен қамқоршылық органдарына сұрақ көп. Оларға қатысты да қылмыстық істер қозғалды, тергеу жүріп жатыр. Бұл кейінгі бірнеше айда бала асырап алған отбасылар тарапынан болған азаптау анықталған төртінші жайт.

 Қамқоршылық қызметкерлері мен мектеп педагогтарына қатысты қылмыстық іс қозғалды, тергеу жүріп жатыр.

«Біз көргендерімізге таң қалдық. Балалар шаршаңқы, денелері көгерген, лас және ұқыпсыз. Содан кейін біз бұл үйге Бүкіл комиссиямен келдік. Жағдайды көргеннен кейін, балаларды біраз уақыт алшақ ұстау керек екені белгілі болды. Оларды қалдыру қауіпті еді. Бес бала сөйлей алмайды. Бала асырап алған ата-аналары денелеріндегі көгерген жерлерін ойнап жүріп соғып алуы мүмкін екендігімен түсіндірді» ,- деп бөлісті Шымкенттегі Бала құқықтары жөніндегі уәкіл Жаннет Жазықбаева.

Іс сотқа жіберілді.

Динара Закиеваның айтуынша, осы оқиғаға  байланысты ақпан айының соңында президент әкімшілігінде әкімдермен кездесу өткізілді.