Астанада Кенесары ханның ескерткішін қайта орнатты

Астанадағы Кенесары хан ескерткіші күрделі жөндеуден кейін өз орнына қайта қойылды, деп хабарлайды Orda.kz.

2024 жылы қараша айында ескерткішті алып тастағанда қоғам өре түрегеліп, қызу талқылаған еді. Ресми мәліметке қарасақ, мүсіннің тұғыры қисайып, құлап қалуы мүмкін болған соң, ол уақытша алынып, қалпына келтіру жұмыстары жүргізілген.

«Кенесары ханның ескерткішіне қалпына келтіру жұмыстары жасалып, қайта орнына қойылды. Қазір маңында жөндеу жұмыстары жүріп жатыр», — деп мәлімдеді мемлекеттік кеңесші Ерлан Қарин.  

Қазақ халқының азаттық жолындағы күресі өткен ғасырлардағы ұлт-азаттық көтерілістерде тайға таңба басқандай анық көрінеді. Сол азаттық жолында соғысып өткен қазақтың соңғы ханы — Кенесары хан. Қайта орнатылған Кенесары хан ескерткіші – ел тарихына, тәуелсіздік жолындағы күрескерлерге деген құрметтің белгісі.