Астанада ер адам құқық қорғау органы қызметкеріне оқ атты

21 жастағы елорда тұрғыны аңшы мылтығымен жүрып бара жатқан автокөліктің жүргізушісіне оқ атып, оқиға орнынан қашып кеткен, деп хабарлайды Orda.kz. 

Жарақат алған азамат «102» арнасы арқылы полицияға хабар берген. Жедел іздестіру шаралары нәтижесінде күдікті ұсталды. Жарақат алған азамат құқық қорғау органының қызметкері болып шықты. Ол оқиға кезінде еңбек демалысында болған.

Полиция сондай-ақ мылтықтың күдіктінің әкесіне тиесілі екенін мәлімдеді. Қару иесі сақтау талабын бұзғаны үшін әкімшілік жауапкершілікке тартылды.

Қазіргі уақытта полиция қызметкерлері оқиғаның барлық мән-жайын анықтап жатыр. Аталған дерек бойынша сотқа дейінгі тергеу басталды.

Айта кетейік, прокурор Түркістан облысы Шардара ауданына қарасты Қоссейіт ауылының 41 жастағы тұрғынына 6 жыл 2 ай бас бостандығынан айыру жазасын сұрады.