Астанада аты аңызға айналған балуан Жақсылық Үшкемпіровті еске алуға арналған турнир өтіп жатыр

Астанада аты аңызға айналған балуанымыз Жақсылық Үшкемпіровті еске алуға арналған турнир өтіп жатыр, деп хабарлайды Туризм және спорт министрлігінің баспасөз қызметі.

Ж.Үшкемпіров атындағы Жекпе-жек сарайында өтіп жатқан жарысқа 2012-2014 жылы туған балалар, сондай-ақ 2009-2011 жылы туған жас палуандар қатысуда.

2012-2014 жылы туған қатысушылар 27 келі, 30 келі, 33 келі, 36 келі, 39 келі, 42 келі, +46 келі салмақ дәрежесінде және 2009-2011 жылы туған бозбалалар 35 келі, 38 келі, 41 келі, 44 келі, 48 келі, 52 келі, 57 келі, 62 келі, 68 келі, 75 келі, +75 келі салмақ дәрежесінде белдеседі.

«Жас спортшылар арасында турнир ұйымдастырудағы басты мақсат – балалар арасында еркін күресті кеңінен насихаттау және күрестің әр түрін дамыту. Сонымен қатар, турнир жас балуандардың шеберлік деңгейін арттыруға септігін тигізеді. Бұл чемпионат жас та дарынды спортшыларға үлкен жол ашады. Негізгі салмақ санаттары бойынша жартылай финал 3-4 қарашада өтті, ал финалдық жекпе-жек 5 қарашаға жоспарланған. Барлық еркін күрес жанкүйерлері Жекпе-жек сарайында сағат 10.00-ден 18.00-ге дейін жасөспірімдердің өнерін тамашалай алады» деп түсіндірді ұйымдастырушылар.