Асан Үмбетов «ҚТЖ-Жүк тасымалы» бас директоры қызметіне тағайындалды

Кеңседе отырып жұмысшыларының жауапсыздығын сөгіп, арасында былапыт сөз де айтып жұрттың ықыласына бөленген Асан Үмбетов лауазымды қызметке орналасты, деп хабарлайды Orda.kz. 

Асан Үмбетов 1983 жылы Ақтөбе облысында дүниеге келген. М.Тынышпаев атындағы Қазақ көлік және коммуникациялар академиясын темір жол инженері (локомотивтер) мамандығы бойынша бітірген.

Теміржол саласында 20 жылдан астам еңбек етіп келеді. Ол еңбек жолын тепловоз машинисінің көмекшісі болып бастап, басшылық қызметтерге дейін көтерілді. 

2022 жылы «ҚТЖ-Жүк тасымалы» ЖШС локомотивтерді пайдалану департаментінің атқарушы директоры болып тағайындалды. 2023 жылдан бері компаниядағы локомотив шаруашылығы жөніндегі бас директордың орынбасары қызметін атқарып келеді.

Естеріңізге сала кетейік, Үмбетов жиналысты айтқан сөздерінен кейін танылды. Бұған дейін, әлеуметтік желі қолданушылары оның лауазымын көтеру керегін де жарыса жазған еді.

Айта кетейік, Астанада автобус апатынан кейін екі аяғынан айырылған 8 жастағы Алуа Бекен протезбен жүруді үйреніп жатыр.