Ардагер журналистің үйіне деп жиналып жатқан жылу ресми түрде тоқтады

cover Фото: Facebook/ Kaken Kamzin

Алматыда белгілі журналист, профессор Кәкен Қамзин алаяқтарға алданып сатып жіберген үйін қайта қайтарып алатын болды, деп хабарлайды Orda.kz. 

Сүйінші хабарды ардагер журналистің өзі әлеуметтік желідегі парақшасында жазды. Кәкен Қамзин елден жылу жиюға мәжбүр болғанын, бұл шешім өзіне  қиын екенін жасырмады.

Журналист: «өлімнен ұят күшті» дейді. 

Сонымен Кәкен Қамзиннің үйіне деп жиналып жатқан жылуды ресми түрде тоқтатты. Оның айтуынша, 9 529 836 теңге қаражат жиналған. Кейін бір азамат келіп жетпеген барлық қаражатты профессордың қолына ұстатып кеткен. 

«Ал енді ең күтпеген әрі жүректі елжіреткен сәт, бүгін бір қайырымды азамат (аты-жөнін айтпауды сұрады) жетпей тұрған үлкен қаражаттың барлығын (23 млн теңге) қолма-қол әкеліп берді. Бұл тек қаржылай көмек қана емес, бұл — сенімнің, бірліктің, мейірімнің нағыз көрінісі», — деді журналист. 

Айта кетейік, бұған дейін ардагер журналист, талай шәкірт тәрбиелеген, белді журналистерге дәріс өткен Кәкен Хамзин үйінен қалай айырылып қалғанын, оқиғаның қалай өрбігенін бүге-шүгесіне дейін айтып берген еді. 

Жаңалықтар

барлық жаңалықтар