Алыпсатарлар кесірінен теңге күрт құлдырауы мүмкін

Жоғары пайыздық мөлшерлемеге байланысты бейрезиденттер теңгемен сатылатын облигацияларға қаржы құйып жатыр, алайда олар бұл нарыққа қалай келсе, дәл солай тез шығып кетуі мүмкін. Бұл туралы Orda.kz агенттігі Reuters-ке сілтеме жасап хабарлайды.

Қысқа мерзімді шетелдік алаяқтық инвестиция салдарынан теңге орасан қауіпке тап болды. 2025 жылы Қазақстан «тез ақшаның»,  яғни жылдам пайда табу мақсатында салынатын капитал ағымы бағытталған елдердің қатарына кірді. Алайда мұндай қызығушылықтың соңы тез арада мәселеге айналуы мүмкін.

Шетелдік инвесторлар дамушы елдердің жергілікті валютадағы бағалы қағаздарын белсенді түрде сатып ала бастады. Агенттік деректеріне сәйкес, Қазақстан жоғары табыстылық ұсынған бағыттардың бірі болған. Дегенмен алаяқтық капиталдың келуі нарықтың тұрақтылығына кепіл бола алмайды. Капиталдың кері ағымы басталған жағдайда, нарық кез келген сәтте күрт құлдырауы мүмкін.

«Қазақстанды қоса алғанда, кейбір елдер инвесторларды тарту үшін жоғары мөлшерлемені сақтап, валюта бағамын бақылауда ұстап отыр. Бұл нарықты қысқа мерзімде тартымды етеді, алайда жаһандық капитал ағындары бағытын өзгерткен жағдайда оны қатты әлсіретіп жібереді.
Қазірдің өзінде Мысыр мен Нигерия сияқты елдерде инвесторлардың кенеттен нарықтан шығып кетуі валютаның күрт девальвацияға ұшыратып жатыр. Егер нарық қатысушылары құйған қаражаттарын жаппай әкете бастаса, Қазақстан да осы сценарийді қайталау қаупіне тап болуы мүмкін» деп жазылған жарияланымда. 

Сарапшылардың ескертуінше, қысқа мерзімді қаржы құралдарындағы шетелдік қатысудың жоғары үлесіне негізделген тұрақтылық иллюзиясы тез арада жойылуы ықтимал. Мұндай жағдайда валюта нарығы қысымға ұшырап, теңге тағы да құлдырай түсу қаупіне тап болады.

Бұған дейін біз қаржы нарығының қатысушылары теңгенің біртіндеп әлсіреуін күтетінін жазған едік. Ұлттық банктің сауалнамасына сәйкес, 2026 жылы доллар бағамы 537 теңгеге, ал 2028 жылға қарай 580 теңгеге дейін қымбаттауы мүмкін.

Сарапшылар болса, реттеушінің қатаң саясаты бағамды күрт ауытқулардан сақтайтынын, алайда сонымен бірге экономикалық өсімнің баяулайтынын болжайды.

Тақырыпқ сай оқи отырыңыз:

• Ұлттық банк теңге бағамын құтқара ала ма?
• Теңге бағамына қысым бар – Ұлттық банк төрағасы түсініктеме берді
• 2026 жылдың алғашқы 10 күнінде 66 мың қазақстандық өзін-өзі жұмыспен қамтыған