Алматының жаңа әкімі қаланың жыл сайын тозбай жатып ауыстырылатын жолы мен бардюрлерін өз көзімен көрді

Алматының жаңа әкімі Дархан Сатыбалды Алматы халқы айта-айта жалыққан бордюрлар мен асфальт тозбай жатып ауыстырылатынын өз көзімен көріп, наразы болды, деп хабарлайды Orda.kz.

Оның пікірінше, асфальтты жөндеп, жиектерді ауыстыру тек тозығы жеткен жағдайда ғана қажет. Әкім осы ойын жауапты мамандарға жеткізді.

Құрылысшылармен әңгімелескенненн кейін Сатыбалды президент резиденциясы тұрған жерді (ол 2022 жылғы қаңтар оқиғасы кезінде жарылған) көрді. Еске салайық, бұл жерге салынады деген саябақтың құрылысы ұзаққа созылып кетті.

Қазір болашақ саябақта тоған, ұңғымалар бұрғылап, инженерлік желілер салынуда.

Әкім сондай-ақ Әл-Фараби даңғылындағы Есентай өзені арқылы өтетін көпірді де қарап шықты.  Мұндағы қайта құру жұмыстары 60 пайызға орындалған. Жоба ЖСҚ-ны түзету және жаяу жүргіншілер мен велосипедшілердің жолдарын бөлу үшін тоқтатылды. Сатыбалды қалған жұмыстарды қысқа мерзімде аяқтауды тапсырды.

Сонымен қатар, жаңа оқу жылында жаңа жайлы мектеп ашылуы тиіс. Барлық жұмыстар соңғы аяқталу кезеңіне тақаған.

Бір күн бұрын Алматы әкімі қаладағы салынып жатқан нысандары аралады. Құрылыс барысымен танысқан Дархан Сатыбалдының атқарылып жатқан жұмыстарға көңілі толмады.

Дархан Сатыбалды бір күн бұрын Алматыда мектептер, балабақшалар мен жолдардың құрылысын кешеуілдетіп жатқан жауапты мекемелерге қатаң сын айтты. Қаланың жаңа әкімі жұмысты дереу аяқтауды талап етіп, бұлай жалғаса берсе, мердігерлерді ауыстыратынын ескертті.