Алматының Түрксіб ауданында 500-ден астам апатты үй қайта жөнделеді

Алматының Түрксіб ауданында 1960 жылға дейін салынған 500-ден астам үй күрделі жөндеуден өтеді, деп хабарлайды қала әкімінің баспасөз қызметі.

«Алматыдағы Түрксіб ауданында 1960 жылға дейін салынған 586 үй жөндеуге жатады», - деді Алматы әкімі Ерболат Досаев Түрксіб ауданының халқымен кездесуінде. 

Қазіргі таңда ауданда апатты жағдайдағы 586 үйді жөндеу жұмыстары жалғасуда. Шілде айында Кассина көшесіндегі алты жаңа үйдің құрылысы аяқталса, жыл соңына дейін Сауранбаев көшесіндегі тағы жеті үйге тұрғындарды орналастыру жоспарлануда. Алтай-2 ықшамауданында 54 үйдің алтауы одан әрі жөндеу жұмыстарын жүргізу үшін сатып алынған.

«Қалада жайлы орта құру – әкімдік жұмысының негізгі бағыттарының бірі. 2030 жылға дейін тұрғын үйді жаңғыртудың жаңа бағдарламасы әзірленді, онда кешенді және блоктық жөндеу, тозығы жеткен тұрғын үй иелеріне кепілдіктерді және әлеуметтік, инженерлік және көлік инфрақұрылымын дамытуды ескере отырып, тұрғын үй қоры жаңартылады», - деді әкім.