Алматылықтар қорыққан кептеліс болмайды: әкімдік газ құбырын жөндеуді кейінге қалдырды

1974 жылы пайдалануға берілген Әл-Фараби даңғылындағы жерасты газ құбырын қайта жаңарту жұмыстары кейінге шегерілді, деп хабарлайды Orda.kz.

Жөндеу жұмыстары осы жазда Луганский мен Армян көшелерінен бастап Esentai Mall тұрақ алаңына дейін, сондай-ақ Мендікұлов бауы бойында жүргізілуі тиіс болған. Алайда ұйымдастыру мәселелеріне байланысты жоспарланған мерзім кешеуілдеді.

Қала әкімінің тапсырмасымен жөндеу жұмыстары кейінге қалдырылды. Бұл шешім жаңа оқу жылының басталуына байланысты жол қозғалысының шектелуінен туындауы мүмкін кептелістер мен жақын маңдағы мектептер мен балабақшалар үшін қолайсыздықтарды болдырмау мақсатында қабылданды.

Газ құбырына 51 жыл болды, ол орташа қысымды санатқа жатады және міндетті түрде жаңартуды қажет етеді.

Бұған дейін, шілде айында, Медеу ауданында Әл-Фараби даңғылының солтүстік жағы бойынша қозғалыс екі айға ішінара шектелетіні туралы тұрғындарға ескерту жасалған еді. Енді бұл шектеулер кейінге шегерілді.

Бұған дейін Алматының Медеу ауданындағы тас төсемдерді ауыстыру төңірегіндегі өршіген жанжал туралы жаздық. Қоғам белсендісі Санжар Боқаев аудан әкімі қалаға мүлдем қажет емес жөндеу жұмыстарына жүздеген миллион теңге бөліп, халықты алдағанын мәлімдеді.