Алматыдағы тұрғын үйде жарылыс болып, бір адам көз жұмды

Алматыда тұрғын үйлердің бірінде жарылыс болды. Жазатайым оқиға болған жерде бір адамның мәйіті табылды, деп хабарлайды Orda.kz. 

Қайғылы оқиға бүгін, 2 маусым күні сағат 13:55 шамасында болған. Төтенше жағдайлар департаментінің мәліметінше, газ-ауа қоспасы жарылып, 1980 жылы салынған балшықтан жасалған үй қираған.

Үйінділерді тазарту кезінде 1949 жылы туған ер адамның мәйіті табылды.

Оқиғаның мән-жайын тергеу тобы анықтап жатыр. 

Айта кетейік, қаңтарда Алматы облысы Байсерке ауылында LGN Metal зауытында жарылыс болып, салдарынан бір адам қаза тапқан еді.