Алматыда жалған дипломмен 18 жыл жұмыс істеген мұғалім жұмыстан босатылды

Алматы қаласының №116 мектебінде мұғалім 18 жыл бойы жалған педагогикалық дипломмен жұмыс істегені анықталды, деп хабарлайды Orda.kz.

Александра Сидельникова 18 жыл бойы №116 мектепте оқушыларға сабақ беріп, халық есебінен жалақы алып отырған. Тексеру барысында оның педагогикалық білімі жоқ екені белгілі болды.

Оқушыны балағаттап, әжетханаға жібермеді

Бұған дейін Александра Сидельникованың Orda тілшісіне оқушы қызға басқа оқушылардың көзінше ауыр сөз айтып, оны мектеп дәлізінде отырғызғаны белгілі болды. Қазір Сидельникова жұмыстан босатылды. Халықтың төлеген ақшасын қалай қайтаратыны  әзірге шешілмеген.

Баланың анасының айтуынша, мұғалім әжетханаға жібермей, телефонын алып қойған және іс-шарада 300 баладан бөліп, дәлізге отырғызған. Бейкүнә баланың іс-шараға қатыспай, дәлізде отырғанын суретке түсіріп, ата-аналар тобына таратқан. Бұл жағдай қыздың анасын қатты ашуландырған. Сидельникованың әрекетінің себебі – қыз бала би дайындығына қатыса алмаған.

Еске сала кетейік, Ақтөбеде аудан әкімдігі 100-ден аса қызметкерге жалақы төлемеді.