Алматыда Владимир Жириновскийге ескерткіш орнатылады

Ресейлік саясаткер Владимир Жириновскийдің 80 жылдығына орай саясаткер туған Алматы қаласында ескерткіш ашу жоспарланып отыр, деп хабарлайды Orda.kz.

ЛДПР партиясының негізін қалаушы Владимир Жириновскийге арналған ескерткіштер 2026 жылы бірнеше қалада орнатылады. ТАСС мәліметінше, саясаткердің туғанына 80 жыл толуын атап өту шараларын ұйымдастыру мен өткізуге арналған негізгі іс-шаралар жоспарының жобасында  қарастырылған.

«Саясаткердің кіші Отаны Алматыда ескерткішінің ашылу салтанаты мен еске алу шарасы өтеді», – деп жазады ТАСС.

Жоспарға 2025 жылдың соңында басталатын бірнеше шара да енгізілген. Олардың қатарында брендтелген пойыздың жүруі және "Жириновский. Бастау" атты жаңа жылдық мерекелік отбасылық бағдарлама бар.

2026 жылы ескерткіштің ашылуынан басқа, саясаткер туралы кинофильмдер көрсетілімі, мектептер мен жоғары оқу орындарында "Жириновский" парламенттік сабақтары, биографиялық моноспектакльдің премьерасы, халықаралық ғылыми-эксперттік форум "Жириновский оқулары" және басқа да шаралар жоспарланған.