Алматыда апатты жағдайдағы ұшақты ұшқыш аман-есен қондырды

Алматыда қатты жел мен жауын-шашында ұшақтың апатты жағдайда жерге сәтті қонған бейнежазбасы әлеуметтік желіде пайда болды, деп хабарлайды Orda.kz.

kris_p_almata парақшасындағы бұл бейнежазбаны жолаушылардың бірі түсірген. Душанбеден ұшқан рейс ауа райының қиын жағдайына қарамастан, Алматыға сәтті қонды. Ұшқыштың батыл әрекеті мен сабырлылығы жолаушылардың аман-есен жерге қонуына себепші болды.

Желі қолданушылары ұшқыштың кәсібилігі мен ерлігін мақтаған пікірлер жазып жатыр.

Еске сала кетейік, осыған дейін өткен жылдың 25 желтоқсан күні таңертең Azerbaijan Airlines  компаниясына тиесілі Embraer 190 жолаушылар ұшағы Баку – Грозный бағытында ұшып бара жатып Ақтау маңында апатқа ұшырады.