Алматыда мас жүргізуші балаларды салып алып, шағын автобуспен лагерьге жол тартқан

20 маусымда Әл-Фараби даңғылында полицейлер балаларды қала сыртындағы  Алматы облысында орналасқан лагерьге апара жатқан Mercedes шағын автобусын тоқтатты. Жүргізушіден ішімдіктің иісі қатты шығып тұрды. Сараптама оның ағзасында алкогольдің бар екенін растады, деп хабарлайды Orda.kz ІІМ-ге сілтей отырып.

Полицейлер дереу жүргізушінің құжаттарын алып, көлікті айыппұл тұрағына жіберді. Барлық материалдар Алматы қаласының мамандандырылған сотына берілді.

«Балаларды тасымалдау - бұл ерекше жауапкершілік. Мас жүргізуші кәмелетке толмағандардың өмірі мен денсаулығына қауіп төндіреді. Мұндай жағдайларға жол берілмейді», - деді Алматы қаласының жергілікті полиция қызметі басқармасының бастығы Серік Шумаев.

Полиция балаларды тасымалдау жүргізушілерді рейс алдында  автобустардың техникалық жай-күйін тексеру және маршрутты сақтау сияқты қауіпсіздік ережелеріне қатаң сәйкес келуі тиіс екенін еске салады.