Алматыда күзетші келген қонақты ұрып мүгедек қылды

Алматы қаласындағы барлардың бірінде күзетші Қырғызстаннан келген қонақты соққыға жығып, салдарынан жәбірленуші жан сақтау бөліміне түсіп, кейін мүгедек болып қалған. Туыстарының айтуынша, жәбірленуші Әзиз Рзаев «Nikulin» барына танысының шақыруымен келген. Ал сот 30 мамыр күні басталады, деп хабарлайды Orda.kz.

Оқиға желтоқсан айының 7-нен 8-не қараған түні болған. Әзиз сол барда жұмыс істейтін танысына келген. Қыз ішке кіріп кеткен кезде, Әзизге сыртта күтіп тұрған. Кейін оған бардың күзетшісі келіп, дөрекі түрде басқа қонақтарға кіруге кедергі келтіріп тұрғанын, ол жерден кетуін талап еткен. Кейін екеуінің арасында дау туындап, күзетші Әзизге бірнеше рет жойқын соққы жасап,  Әзиз сол жерде есінен танып қалған. Бір қызығы бұл оқиға учаскелік полицияның көз алдында болған, алайда ол ешқандай шара қолданбады.

Ауруханада дәрігерлер ашық бас миының жарақаты және мидың ауыр жарақаты диагнозын қойды. Кейін ол жан сақтау бөліміне түсіп, өмір мен өлім арасында 10 күн жатты.

Жәбірленуші тарап оқиға кезінде Юсупбаев жұмыссыз болған деп мәлімдейді. Оның барда күзетші болып жұмыс істегені туралы ешқандай дәлел келтірілмегендіктен, адвокаттар айыптаудың жіктелуіне қатысты өзгерту туралы өтініш білдірді.