Алматыда есепшісі кәсіпорынның 230 мың АҚШ долларын ұрлап, шетелге қашып кеткен

Алматыда кәсіпорын бухгалтері 230 мың АҚШ долларын жымқырып, Грецияға қашып кеткен, деп хабарлайды Orda.kz. 

Қазақстан ІІМ Интерполы шетелдік әріптестерімен бірігіп, Греция аумағында орналасқан Хиос аралында халықаралық іздеуде жүрген әйелді ұстады. 

Алматыдағы ЖШС-нің бірінің бухгалтер болып жұмыс істеген әйел 2021 жылы өзінің жеке шотына 230 мың АҚШ доллары мөлшерінде қаражатты заңсыз аударған. Кейін Қазақстаннан ізін суытты. 

Министрлік қазіргі уақытта ұсталған адамды Қазақстанға беру туралы мәселе шешіліп жатқанын мәлімдеді.