Алматыда Digital Almaty форумы басталды

Қазақстан, Беларусь, Ресей және Өзбекстан үкімет басшылары жыл сайынғы «Digital Almaty» форумы аясында цифрлық жобалар көрмесін аралады, деп хабарлайды Orda.kz.

Шарада 300-ден астам қазақстандық және халықаралық IT-компаниялардың, соның ішінде мемлекеттік органдардың цифрлық жобалары көрсетілді.

Яндекс компаниясының өкілі Даниил Шулейко Қазақстанда адамдар мен бизнеске арналған 10-нан астам қызмет түрі жұмыс істейтінімен бөлісті.

Біз қызметтерімізді барлығына қолжетімді етуге тырысамыз. 2023 жылы қазақ тілінде «Карталарды», «Алиса» қызметін мобильді браузер мен қосымшада қазақ тілінде, Яндекс браузерінде бейнелерді қазақ тіліне аударуды, сонымен қатар қазақ тілінде табылатын жылдам жауаптар жасадық. Осының барлығы біздің қазақстандық қолданушылар үшін ақпаратты қолжетімді әрі ыңғайлы етіп, мемлекеттік тілді таратуға септігін тигізеді», – дейді ол. 

Сонымен қатар үкімет басшылары:

• Еліміздің мемлекеттік ақпараттық жүйелерінде бірыңғай стандарттарды сақтауды қамтамасыз ететін Qaztech платформасы;

• Алматы қаласының цифрлық қызметтері;

• пайдалы қазбаларды барлауға және өндіруге лицензия алу процесін жеңілдетеді және жеделдететін жер қойнауын пайдаланушыларға арналған Minerals.gov.kz платформасы;

• Қазақстанда іске қосылған өнеркәсіптік роботтандыру бойынша Орталық Азиядағы бірінші құзырет орталығының қызметі таныстырылды.

Бұған дейін Orda.kz қазақстандықтар мемлекеттік қызметтерді жасанды интеллект арқылы алуға болатынын жазған.