«Алматыда әскери институттағы сержант өлімі»: Бұл шынымен өз-өзіне қол жұмсау ма?

Алматының Түрксіб ауданында, құрлық әскерлерінің әскери институты аумағында 44 жастағы сержанттың өлі денесі табылды, деп хабарлайды Orda.kz.

Алдын-ала ақпаратқа сәйкес, ер адам турникке асылып, өз-өзіне қол жұмсаған. Тергеу-жедел тобы мәйітті зерттеп, материал жинап, процессуалдық шешім қабылдаумен айналысуда.

Orda.kz тілшісі ішкі істер министрлігінің әскери-тергеу департаментіне хабарласып оқиғаның мән-жайын білді.

«Бұл факті бойынша Оңтүстік өңірлік әскери тергеу басқармасы ҚР қылмыстық кодексінің 105-бабының 1-бөлігі бойынша алдын ала тергеу жұмыстарын бастады. Қылмыстық іс жүргізу кодексінің 201-бабына сәйкес басқа ақпарат жариялауға жатпайды» делінген департаменттің түсіндірмесінде.