Алматыда 6 жасар баланы сабаған қоғамдық кеңестің мүшесі қашып кетті

4 мамыр күні Алматыдағы мейрамханалардың біріндегі ойын бөлмесінде ер адам 6 жастағы баланы ұрып-соқты. Кейінірек бұл азаматтың Алматы қаласы әкімдігі жанындағы Қоғамдық кеңестің мүшесі екені белгілі болды. Оқиғадан кейін ол қашып кеткен, ал бірнеше рет шақыртылған полиция оқиға орнына келмеген, деп хабарлайды Orda.kz.

Баланың анасы ақыры бөлімшеге өзі барып, арыз жазған. Дәрігерлер баланың кеудесінен соққы алғанын (соғылғанын) анықтаған. Қолда бар бейнежазба мен куәгерлерге қарамастан, Медеу аудандық полиция басқармасының тергеушісі Ислам Қожахметов қылмыстық істі тоқтатып, бұл туралы жәбірленуші тарап пен олардың адвокаттарына хабар бермеді.

Баланың анасы ойын бөлмесіне жүгіріп кіргенде, дереу полиция шақырған, ер адам мейрамханадан қашып кеткен. Полицейлер 7 рет қоңырау шалып, үш сағат күтсе де, оқиға орнына аттап баспапты. Баланың отбасы полицияға өздері барып, арыз жазуға мәжбүр болған. Ауруханада балаға «кеуде қуысының контузиясы» деген диагноз қойылды.

Бұл мәселе жайлы балалар құқығы жөніндегі Алматы қаласындағы омбудсмен пікір жазды.

«Алматыдағы 6 жасар баланы ұрған жағдайға қатысты құқықтық баға беру үшін іс прокуратураға жолданды. Анасына және баланың адвокатына хабарластық. Оқиғадан соң балаға дереу психологиялық көмек ұсынылды», — деді Диана Ерлан.