Алматы тауында жоғалған 20 жастағы жігіт қаза тапты

27 шілде күні із-түзсіз жоғалған Алан есімді жігіт мерт болды, деп хабарлайды Orda.kz.

Бұл туралы Диана Айдархан есімді әлеуметтік желі қолданушысы хабарлады. Ол бұған дейін желіде Аланның жоғалғанын айтып, көмек сұраған еді. Марқұм 2 күн бұрын таңертең Жастар шыңына қарай жолға шыққаннан қайта оралмаған. 

Бұған дейін Алматы қалалық Төтенше жағдайлар департаменті іздеу-құтқару штабы құрылғанын және құтқарушылардың жұмыс істеп жатқанын мәлімдеді. Іздестіруге кинологтар мен дрондар да тартылған. Кейіннен іздеу жұмыстарына «Медеу» құтқару бекетінен Республикалық жедел-құтқару жасағы (РОСО) мен «Тұйық-Су» бақылау-құтқару пунктінің мамандары қатысты.

Айта кетейік, 11 шілде күні де Алматы тауында жоғалған ҚБТУ студентінің мүрдесі табылған еді.