Алматы тұрғындарының медициналық қызметке көңілдері толмайды

Әкімдік зерттеу жүргізіп, нәтижесінде алматылықтардың медициналық қызмет сапасына көңілдері толмайтындығын анықтады.

Қала әкімінің орынбасары Ержан Бабақұмаровпен өткен кездесуде 2020 жылы азаматтардың медициналық қызметке қанағаттану деңгейі 54,3% -ды болғандығы белгілі болды.

Әкім орынбасарының айтуынша, азаматтардың медициналық қызметке қанағаттануы денсаулық сақтау жүйесінің маңызды көрсеткіші. Бірақ көптеген науқастар қазақстандық медициналық қызметтердің сапасына наразы. Сонымен қатар, науқастар медициналық қызметкерлердің дөрекілігіне байланысты ауруханаға жатудан және емханаға барудан бас тартқандығы анықталды.

- 2020 жылы бұл көрсеткіш 5% -ға өсіп, 54,3% -ды құраған. Науқастар медициналық қызметкердің дөрекілігімен, тегін дәрі-дәрмектердің болмауына немесе беруден бас тарту фактілерімен, тіркеуден бас тарту фактілерімен кездесіп, олардың жұмыс сапасына шағымданған. Осыған байланысты адамдар медициналық көмек алу үшін емханаға барудан және ауруханаға жатудан бас тартқан, деді Бабақұмаров.

Бұл шағымдар № 4, 8, 11, 12, 17 емханаларда және № 7, 4, 2 қалалық ауруханаларда байқалғанын атап өтті. Бабақұмаров науқастар мен дәрігерлер арасындағы мәселелерді медициналық ұйымдар деңгейінде шешу керектігін айтты.

- Бас дәрігерлер медициналық қызметкерлерді коммуникативті дағдыларға оқытуды ұйымдастыруы керек, медициналық қызмет стандарттарын сақтауы керек. Сонымен қатар, медициналық көмек пен міндетті медициналық сақтандырудың кепілдендірілген көлемі шеңберінде көрсетілетін қызмет туралы барлық ақпарат медициналық ұйымдардың сайттарында жариялануы керек, деп қосты Ержан Бабақұмаров.

Сондай-ақ, ол медициналық қызметтердің сапасы кәсіби деңгей мен кадрлармен қамтамасыз етілуіне тікелей байланысты екенін айтты.

- 2020 жылы мамандар тапшылығы 30% төмендеді. Медициналық кадрлардың жетіспеушілігін толтыру үшін медициналық ұйымдарды кадрлармен қамтамасыз етудің ұзақ мерзімді болжамын қалыптастыруды және әлеуметтік қолдау шараларын, медициналық қызметкерлерді оқытуға гранттарды көбейтуді қамтитын Жол картасын әзірлеуді тапсырамын, деп атап өтті Бабақұмаров.

Мәселе қалай шешіледі?

Жүктілік және босану

Ана мен нәресте өлімінің санын азайту үшін босанғаннан кейінгі кезеңде жүкті әйелдерге алғашқы медициналық-санитарлық көмек қызметіне бақылау күшейтіледі.

Онкология және кардиология

Онкологиядан болатын өлімді алдын алу үшін азаматтардың қауіпті мінез-құлқын азайту мақсатында профилактикалық жұмыс күшейтіледі.

Қан айналымы жүйесі мен тыныс алу мүшелері ауруларынан болатын өлімді азайту үшін медициналық ұйымдардың материалдық-техникалық жабдықталуы күшейтіліп, рентгендік және томографиялық кескіндердің бірыңғай базасын құра отырып, IT-технологиялар енгізіледі. Кардиологиялық қызмет жүргізілуде күшейтіліп, емдеудің озық әдістері енгізіледі.

Жедел ден қою және шұғыл жоғары білікті көмек көрсету үшін медицина саласындағы ең жақсы қалалық және республикалық мамандардың қатарынан мобильді топ құрылады.

Дәрілер

Қазір барлық дәрі-дәрмектер бар, деді әлеуметтік медициналық сақтандыру қорының қалалық филиалының басшысы Тілеухан Әбілдаев.

Бүгінгі таңда 31 миллион дана дәрі-дәрмек пен медициналық мақсаттағы өнім бар, бұл екі айлық қала қажеттілігінен көп.

Алматыда 74 мемлекеттік медициналық ұйым, 13 республикалық және 90 жеке, 1383 алғашқы медициналық-санитарлық көмек учаскелері жұмыс істейді. 6046 дәрігер мен 129 69 фельдшер жұмысқа жұмылдырылған.