Алматы соты қаңтар оқиғасының 7 қатысушысына үкім шығарды

Алматы соты жеті азаматқа қатысты үкім шығарды. Оларға 2022 жылғы қаңтар оқиғасы кезінде билікті басып алуға ықпал етті деген айып тағылды деп хабарлайды Orda.kz.тілшісі қалалық соттың баспасөз қызметіне сілтеме жасап.

Алматының қылмыстық соты 7 айыпталушыға қатысты істі қарады.

«Оларға жаппай тәртіпсіздіктерге шақыру, экстремистік топ құру және оның қызметіне қатысу, сондай-ақ қаруды, оқ-дәрілер мен жарылғыш заттарды сақтау жолымен билікті басып алуға және ұстап қалуға жәрдемдескені үшін (182-баптың 2-бөлігі, 179-баптың 2-бөлігі) айып тағылды. Қазақстан Республикасы Қылмыстық кодексінің 24-бабының 1-бөлігі, 272-бабының 1-бөлігі, 287-бабының 4-бөлігі) айып тағылды.
Сот анықтағандай, сотталушылар А., К., Т., О., Н. және К 2022 жылы сәуірден қарашаға дейін көптеген кездесулерге қатысып, билікті күшпен басып алуға үгіттеп, жария түрде шақырып, ұйымдастыру мәселелерін талқылаған» деді Алматы соттарының баспасөз қызметі.

Прокурор барлық айыпталушыларды кінәлі деп тануын сұрады. Азамат И.-ға 3 жыл 4 айға, Т. мен А.-ға 15 жылға, қалған төрт айыпталушыға 13 жылға бас бостандығынан айыру жазасы тағайындалды. Сотталушылар кінәларын мойындамай, ақтауды сұрады.

«Сотталушылардың қылмыстық әрекеттері арнайы іс-шаралар нәтижелерімен, куәлардың айғақтарымен, хаттамалармен дәлелденді. Сонымен қатар олардан аса ірі көлемдегі қару-жарақ арсеналы, ірі көлемде дайындалған «Молотов коктейльдері», қару ретінде пайдалануға дайындалған арматура және басқа да құралдар табылды. Айта кетейік, сотқа дейінгі тергеп-тексеру барысында сотталушы И. өкінетінін айтып, қалған сотталушылардың алдында кінәсін мойындады» делінген баспасөз хабарламасында.