Алматы облысында жол апаты болып, үндістандық студенттер көз жұмды

«Алматы – Бішкек» автожолында болған жол апатынан 3 адам тіл тартпай кетті. Олардың екеуі — Үндістан азаматы еді, деп хабарлайды Orda.kz.

Алдын ала мәлімет бойынша, «Toyota Alphard» автокөлігінің 33 жастағы жүргізушісі рөлге ие бола алмай, көлікті аударып алған. Жүргізуші оқиға орнында қаза тапты. Сонымен қатар, көлікте болған екі үндістандық студент те көз жұмды. 

Үндістанның Астанадағы елшілігі көлікте 4 үнді студенті және бір турист болғанын хабарлады. Тағы 2 үнді студенті мен 1 турист ауыр жарақат алып, жансақтау бөлімінде ем қабылдап жатыр.

Айта кетейік, Талдықорғанда көп қабатты үйдегі өрттен жеті бала құтқарылды.