Алматы хайуанаттар бағында екі қонжық дүниеге келді

Алматы хайуанаттар бағында гималай аюлары Яшин мен Уссуридің екі қонжығы дүниеге келді.

Керемет жаңалықпен хайуанаттар бағының қызметкерлері Instagram парақшасында бөлісті.

«Қонжықтар негізіген 2023 жылдың 12 желтоқсанында дүниеге келген.
Бірақ, бұл жаңалықты біздер сіздермен енді бөлісіп отырмыз. 
Аналары мен кішкентай аюлардың денсаулықтары жақсы.
Бұл аюлар жұбы осымен екінші рет өмірге ұрпақ әкеліп отыр.
Аюлардың тұңғышы – ұрғашы қонжық 2022 жылы туылған.
Енді бізде екі еркек қонжық бар» делінген Алматы хайуанаттар бағының баспасөз қызметінің хабарламасында.

«Қазіргі уақытта қонжықтардың анасына күш-қуат жинауы үшін молынан қажетті қорек беріледі. Уссури – ет, балық, ботқа, жеміс-жидектер, қара нан,балық, түрлі витаминдер жейді.
Әзірге аналары қонжықтарымен бірге, арнайы үйдің ішінде. Олар қазір далаға шығарылмайды» деп хабарлады Алматы хайуанаттар бағының баспасөз қызметі.

Хайуанаттар бағының қызметкерлері барлығын қонжықтарға есім таңдауға қатысуға шақырды.