Алматы-Бішкек тас жолында ірі апат болып, бес адам қаза тапты

Жол-көлік оқиғасы 21 маусымда сағат 13:00 тас жолдың 135-ші шақырымында болды, деп хабарлайды Orda.kz.

Алдын ала мәлімет бойынша, 42 жастағы Mitsubishi Pajero жүргізушісі қарсы жолға шығып, алдымен Toyota Highlander-мен, содан кейін DAF жүк көлігінің тіркемесімен соқтығысқан.

«Апат салдарынан оқиға орнында төрт Mitsubishi Pajero жолаушысы мен бір Toyota Highlander жолаушысы қаза тапты. Қалған ЖКО қатысушылары түрлі жарақат алып, жақын маңдағы медициналық мекемелерге жеткізілді. Қылмыстық іс қозғалды, барлық қажетті тергеу әрекеттері жүргізілуде», деп хабарлады жол полициясы. 

Бұған дейін оқырмандарымыз оқиға орнынан видео жолдаған болатын.

Кадрларда бірнеше адам - шамамен үш адам, олардың ішінде әйелдер - жерде жатқаны, оларға көмек көрсетіліп жатқаны көрінеді. Куәгерлердің айтуынша, екі автокөліктің де жүргізушілері оқиға орнында қаза тапқан.