Алматы әуежайында жаңа туған сәбилерді Қазақстаннан әкетуге тырысқан шетелдіктер ұсталды 

Қытайдан келген екі отбасы Қазақстаннан суррогат аналар босанған нәрестелерді алып кетіп бара жатқан кезде ұсталған. Олардың қолында балалардың құжаты болғанымен, шекарадан өтуге рұқсат берілмеген, деп хабарлайды Orda.kz.

Алматы полиция департаменті шетелдік азаматтардың ұсталғанын растады.

Аталған дерек бойынша «Кәмелетке толмаған балаларды саудалау» бабы бойынша қылмыстық іс қозғалған.

Еске сала кетсек, бүгін таңнан бері Orda.kz редакциясында тінту жұмыстары жүргізілді. 5 сағаттай әріптестерімізден хабар ала алмадық. 

Қадірлі оқырман, Orda.kz ары қарай ақпарат тарата береді. Біздің әлеуметтік желідегі парақшаларымыз бен сайтымыздан жаңалықтарды оқи аласыздар.